У ЦДАДіМ "Ветразь" прайшоў адкрыты майстар -клас па побытавым танцам "Беларускі побытавы танец - скарб народнай культуры" ў анлайн - фармаце.
Пачалося мерапрыемства з расповеду пра Піліпаўскія вячоркі Надзеяй Касцяневіч (фальклорны калектыў "Мілавіца ") у этнаграфічным музеі "Беларуская хатка імя М.В. Снітко".
Далей ўдзельнікаў майстар- класа чакаў творчы нумар "Музычныя найгрышы " ад навучэнцаў ансамбля музычных інструментаў "Музыкі" пад кіраўніцтвам Алесі Герашчанка.
Другая частка мерапрыемства была адведзена знаёмству з лакальнымі побытавымі танцамі: Аг. Хаціслаў (Заходняе Палессе) - "Церніца", "Гіспанцыр", "Страданне", "Месяц", "Полька-Асапава" ,Усходняе Палессе - "Матлёт", Цэнтральная Беларусь - "Двойка", Паазер'е - "Полька-Ойра", Панямонне - "Лысы", Падняпроўе - "Барыня".
Спікерам мерапрыемства выступала Ірына Хамутова, кіраўнік фальклорнага калектыву " Скарбніца традыцый", выкладчык кафедры народна-песеннай творчасці і фальклору БДУКМ.
Майстар- клас прайшоў на належным ўзроўні і атрымаўся насычаным і змястоўным.